Njohuri që vlejnë.
Edhe përtej laboratorit.

Çfarë është Journal-i

Anna Maria Journal është revista informuese e Anna Maria Lab. Botojmë shpjegime në shqip për analizat, zhvillime shkencore me rëndësi dhe informacion praktik për përditshmërinë.

Studimet e trajtuara u përkasin autorëve dhe institucioneve të cituara. Journal-i përgatit shpjegimin editorial; nuk pretendon autorësinë e kërkimeve dhe nuk është revistë akademike me vlerësim shkencor të dorëshkrimeve.

Burime të dukshme, kontekst i qartë

Për shpjegimet bazë përdorim burime institucionale dhe udhëzime të besueshme. Për zhvillimet kërkimore kërkojmë studimin origjinal ose dokumentacionin zyrtar që mbështet lajmin. Një njoftim promocional, i vetëm, nuk mjafton.

Dallojmë njohuritë e konsoliduara nga studimet e hershme. Kur trajtohen kërkime te kafshët, preprint-e ose rezultate ende paraprake, ky status duhet të jetë i qartë. Datën e një ngjarjeje e dallojmë nga data e artikullit tonë.

Burimet jepen pranë seksioneve përkatëse dhe në fund të artikullit, me lidhje dhe datë konsultimi. Shkruajmë përmbledhje origjinale; për ripërdorimin e materialeve të të tjerëve kontrollojmë licencën.

Si përgatitet përmbajtja

Përmbledhim dhe analizojmë burimet e listuara, duke dalluar rezultatin e studimit nga interpretimi editorial. Për kërkimet shënojmë llojin e provës, popullatën dhe kufizimet që ndikojnë në përfundim.

Nuk vendosim autorë, tituj profesionalë ose etiketa rishikimi që nuk përputhen me punën e kryer. Një artikull informues nuk jep diagnozë personale dhe nuk udhëzon ndryshimin e trajtimit.

Imazhet dhe ilustrimet

Ilustrimet konceptuale identifikohen në diçiturë. Ato shërbejnë si interpretime vizuale të temës, jo si pamje mikroskopike, prova eksperimentale ose modele molekulare të sakta. Fotografitë e laboratorit janë reale. Grafikët me të dhëna duhet të mbështeten në burime të verifikueshme.

Lidhja me laboratorin

Botuesi është Anna Maria Lab, ndaj kjo lidhje është gjithmonë e deklaruar. Një lidhje drejt analizave shtohet kur i jep lexuesit informacion praktik të nevojshëm. Nuk është kusht për botimin e një artikulli dhe nuk përcakton vlerën e tij.

Përditësime dhe korrigjime

Çdo artikull ka datën e publikimit dhe të përditësimit. Kur korrigjohet një pohim me rëndësi, duhet të shënohet çfarë ndryshoi. Nëse vini re një pasaktësi, na dërgoni lidhjen e artikullit, pohimin përkatës dhe burimin sqarues në [email protected].